კსუ-ს საკალათბურთო გუნდმა „არენა ორბი“ დაამარცხა

21 მარტს, საქართველოს საკალათბურთო ჩემპიონატის „ა“ ლიგაში, კსუ-ს გუნდმა „არენა ორბი“ ანგარიშით 87:66 დაამარცხა. შეხვედრაში კსუ-ს მხრიდან საუკეთესო შედეგი ამერიკელმა ლეგიონერმა ანდრე უოლკერმა დააფიქსირა, რომელმაც საკუთარ ანგარიშზე 20 ქულა მიითვალა. ამ გამარჯვებით, ბოიან სალატიჩის გაწვრთნილი გუნდი გათამაშებას 9 ტურის შემდეგ, 17 ქულით ლიდერობს და პლეი-ოფში თამაშის უფლებაც მოპოვებული აქვს.

შეგახსენებთ, რომ კსუ-ს საკალათბურთო გუნდი საქართველოს ჩემპიონატის „ა“ ლიგაში „სუპერლიგის“ საგზურისთვის იბრძვის, რომელსაც 6 გუნდიდან რეგულარული ჩემპიონატისა და პლეი-ოფის დასრულების შემდეგ, გამარჯვებული დაეუფლება, მე-2 ადგილზე გასული გუნდი კი „სუპერლიგის“ საგზურისთვის დამატებით შეხვედრებს გამართავს.