7 აპრილს, საქართველოს საკალათბურთო ჩემპიონატის „ა“ ლიგის პლეი-ოფის ნახევარფინალის გადამწყვეტ მატჩში, კსუ-ს საკალათბურთო გუნდმა „არენა ორბი“ ანგარიშით 74:66 დაამარცხა. მატჩი საკმაოდ საინტერესო და დაძაბული გამოდგა, კსუ-ს მხრიდან კი საუკეთესო შედეგი, ამერიკელმა ლეგიონერმა ანდრე უოლკერმა აჩვენა, რომელმაც საკუთარ ანგარიშზე 21 ქულა და 6 მოხსნა მიითვალა.
ამ გამარჯვებით, ბოიან სალატიჩის გაწვრთნილმა გუნდმა ნახევარფინალური სერია 2:1 მოიგო. შეგახსენებთ, რომ პირველი შეხვედრა „არენა ორბის“ გამარჯვებით 84:63 დასრულდა. მეორე შეხვედრაში კსუ-ს გუნდმა წონასწორობა აღადგინა და 71:62 გაიმარჯვა, საბოლოოდ კი გადამწყვეტი შეხვედრის მოგების შემდეგ, კსუ-ს საკალათბურთო გუნდმა პლეი-ოფის ფინალის საგზური მოიპოვა, სადაც „ვერას“ დაუპირისპირდება.
აღსანიშნავია, რომ „ა“ ლიგის პლეი-ოფის ფინალური სერია 12, 16 და 17 აპრილს, 18:00 სთ-ზე, თბილისის ოლიმპიურ სასახლეში გაიმართება. სერია 3 მოგებამდე გაგრძელდება, გამარჯვებული გუნდი კი მომდევნო სეზონის „სუპერლიგის“ საგზურს მოიპოვებს.
ადრესატი
თქვენი სახელი
ელ-ფოსტა
თემა
შეტყობინება