კსუ-ს საკალათბურთო გუნდმა „ა“ ლიგაში მორიგი მატჩი მოიგო

საკალათბურთო ჩემპიონატის „ა“ ლიგაში, კსუ-ს კლუბმა მიჯრით მეექვსე გამარჯვება მოიპოვა. ბოიან სალატიჩის გაწვრთნილმა გუნდმა, ამჯერად „თბილისი“, ანგარიშით - 91:76 დაამარცხა. კსუ-ს მხრიდან მატჩის საუკეთესო მოთამაშე კოტე ბიწაძე გახდა, რომელმაც საკუთარ ანგარიშზე 22 ქულა, 7 მოხსნა და 6 ჩაჭრა მიითვალა, ამ გამარჯვებით კი უნივერსიტეტის გუნდი გათამაშების ერთპიროვნული ლიდერია.

შეგახსენებთ, რომ კსუ-ს საკალათბურთო კლუბი საქართველოს ჩემპიონატის „ა“ ლიგაში „სუპერლიგის“ საგზურისთვის იბრძვის, რომელსაც 6 გუნდიდან რეგულარული ჩემპიონატისა და პლეი-ოფის დასრულების შემდეგ, გამარჯვებული დაეუფლება, მე-2 ადგილზე გასული კი „სუპერლიგის“ საგზურისთვის დამატებით შეხვედრებს გამართავს.

მორიგ მატჩს კსუ-ს საკალათბურთო გუნდი, საქართველოს თასის გათამაშების 1/8 ფინალურ ეტაპზე, 5 მარტს, 18:00 სთ-ზე, „თსუ-ჰიუნდაის“ წინააღმდეგ გამართავს. ამ ეტაპზე, გუნდებს შორის სერიაში ანგარიში 1-1 ფიქსირდება, გადამწყვეტ შეხვედრაში გამარჯვებული გუნდი კი საქართველოს თასის 1/4 ფინალის საგზურს მოიპოვებს.