28 მარტს, კავკასიის საერთაშორისო უნივერსიტეტის ინტელექტკლუბმა (ხელმძღვანელი - ბაკურ ხუბულავა) საგაზაფხულო სეზონი - „რა, სად, როდის?“ (სპორტული) ჩემპიონატით დაიწყო, რომელშიც მონაწილეობას 9 გუნდი იღებს. კსუ-ს სტუდენტებთან ერთად, ჩემპიონატში 151-ე სკოლის გუნდიც ჩაერთო. თამაშის პირველ ტურზე ჯამში 36 კითხვა დაისვა (რსრ ტიპის კითხვები, ბლიცი, სუპერბლიცი, შავი ყუთი), შედეგად კი გამარჯვება „ბრაჰმანებების კასტის“ გუნდს დარჩა, მეორე ადგილი „ჯოკონდამ“, ხოლო მესამე - „ნიკემ“ დაიკავეს.
აღსანიშნავია, რომ თამაშს კსუ-ს კანცლერის მოადგილე ნინო ჩუბინიძე დაესწრო, რომელმაც გუნდებს სიმბოლური კითხვა დაუსვა და მათ წარმატებები უსურვა. თამაშს ასევე დაესწრო კომპანია „Shungit Georgia“-ს აღმასრულებელი დირექტორი - არჩილ გოგრიჭიანი და გაყიდვების მენეჯერი - იური კეკელია. სიმბოლურ კითხვასთან ერთად, არჩილ გოგრიჭიანმა თამაშის გამარჯვებულ გუნდს სასაჩუქრე პაკეტები გადასცა.
კსუ-ს ინტელექტკლუბის მომდევნო ღონისძიება 2 აპრილს გაიმართება, რომელიც ქვიზ-ტურს დაეთმობა, თემით „ფეხბურთი და მუსიკა“.
ადრესატი
თქვენი სახელი
ელ-ფოსტა
თემა
შეტყობინება