8 აპრილს, კავკასიის საერთაშორისო უნივერსიტეტის ინტელექტკლუბის ორგანიზებით მორიგი ღონისძიება გაიმართა. ამჯერად გუნდებმა „ინტელექტუალურ დუელში“ მოსინჯეს ძალები.
თამაში კსუ-ს სტუდენტების საავტორო ვერსიაა, რომელიც ორი ტურისგან შედგება. პირველ ტურში 4 მოთამაშისგან დაკომპლექტებული ორი გუნდი უპირისპირდება ერთმანეთს, სადაც კითხვაზე პასუხის გაცემა დასწრებაზეა. სწორი პასუხი 1 ქულაა, არასწორი პასუხი -1 ან მოთამაშის გაწირვა, ბლიცში კი გუნდიდან თითო მოთამაშე უპირისპირდება ერთმანეთს. საბოლოოდ, ორი ტურის შემდეგ საუკეთესო გუნდი თამაშის გამარჯვებული ხდება.
„ინტელექტუალური დუელის“ ფინალში ერთმანეთს კსუ-ს ინტელექტკლუბის გამოცდილი გუნდები - „ნიკე“ და „პაბლო სარაბია“ დაუპირისპირდნენ. პირველი რაუნდი „ნიკეს“ გამარჯვებით დასრულდა 3:2, ბლიც ტურში 1 ქულით მოწინააღმდეგეს „პაბლო სარაბიას“ წარმომადგენელმა აჯობა, დამატებით შეკითხვებში კი გამარჯვება „პაბლო სარაბიას“ დარჩა.
კსუ-ს ინტელექტკლუბმა ფინალისტი გუნდები სუვენირული ბუებითა და წიგნებით დაასაჩუქრა.
ადრესატი
თქვენი სახელი
ელ-ფოსტა
თემა
შეტყობინება