4 ოქტომბერს, კავკასიის საერთაშორისო უნივერსიტეტის ინტელექტკლუბმა, სპორტული „რა? სად? როდის?“ ჩემპიონატით, შემოდგომის სეზონი გახსნა (რიგით მე-6). თამაშის დაწყებამდე, მონაწილე გუნდებმა წუთიერი დუმილით პატივი მიაგეს გამოჩენილი ქართველი კომპოზიტორის გია ყანჩელის ხსოვნას და დარბაზში მისი შექმნილი მელოდიები აჟღერდა.
თამაში, რომელშიც 12 გუნდი მონაწილეობდა, 24 კითხვისგან შედგებოდა (ტრადიციული რსრ კითხვები, სუპერბლიცი, ბლიცი, შავი ყუთის რაუნდი). ასევე, თამაშში დაფიქსირდა „წამყვანის რაუნდი“, რომელიც ყოველ თამაშში ერთ კითხვას ითვალისწინებს ქართული სახელმწიფოსთვის თავდადებულ გმირებზე სხვადასხვა სფეროში, რომელთა ღვაწლიც საზოგადოებისთვის ფასდაუდებელია. გარდა ამისა, მიმდინარე სეზონში დაემატა ვიდეო შეკითხვების რაუნდი, სადაც მსოფლიოს სხვადასხვა ქვეყნიდან, ქართველი და უცხოელი სტუდენტები მოთამაშეებს დაუსვამენ ერთ კითხვას.
თამაში გარდამავალ უპირატესობაში წარიმართა, პირველი ტურის შემდეგ კი საერთო ჩათვლაში გუნდი “shield“ დაწინაურდა, მეორე ადგილს „ნიკე“ იკავებს, ხოლო მესამე ადგილს „ბრაჰმანები“ და „ჰიდრა“ იყოფენ.
ადრესატი
თქვენი სახელი
ელ-ფოსტა
თემა
შეტყობინება