კავკასიის საერთაშორისო უნივერსიტეტში, ,,ბიზნეს ინკუბატორის“ პროექტის განხორციელება აქტიურ ფაზაში შევიდა. 12 დეკემბერს, პროექტის საორგანიზაციო ჯგუფმა, ჩატარებული ორი ტურის შედეგების გაანალიზებისა და ბიზნეს იდეების შერჩევის საფუძველზე, 22 მონაწილე, უნივერსიტეტის ბიბლიოთეკის საკონფერენციო დარბაზში მოიწვია.
მონაწილეებს, კსუ-ს ბიზნესის ფაკულტეტის დეკანი - ირმა მახარაშვილი, ხარისხის უზრუნველყოფის სამსახურის უფროსი - მარინა გედევანიშვილი და ბიზნეს ინკუბატორის ხელმძღვანელი - მარიკა კლდიაშვილი მიესალმნენ. პროექტის 22 მონაწილიდან, შერჩეული 4 ბიზნეს იდეის ავტორის გამორჩევისა და გუნდების დანარჩენი მონაწილეებით დაკომპლექტების ეტაპს, კსუ-ს რექტორი - კახაბერ კორძაია, პროგრამის ხელმძღვანელები და პროფესორებიც ესწრებოდნენ.
პროექტის საორგანიზაციო ჯგუფის გადაწყვეტილებით, გამარჯვებული ოთხი იდეის ავტორებად კსუ-ს ბიზნესის ფაკულტეტის - მენეჯმენტისა და ტურიზმის სპეციალობის სტუდენტები: ნიკოლოზ ბუზალაძე, ქრისტინა სტეპნოვა და ლიკა ჩადუნელი, ასევე მეევნახეობა-მეღვინეობის ფაკულტეტის, აგრარულ მეცნიერებათა მაგისტრი - ნინო ზვიადაური დასახელდნენ.
შეგახსენებთ, რომ ბიზნეს ინკუბატორი, მიზნად ისახავს ხელი შეუწყოს სტუდენტის მიერ შეძენილი ცოდნის პრაქტიკულ გამოყენებასა და დანერგვას. ინკუბაციის პროცესი მოიცავს შემდეგ ეტაპებს:
გუნდების ჩამოყალიბება;
ბიზნეს იდეების შერჩევა და შესაბამისი ბიზნეს მოდელების ჩამოყალიბება;
ბიზნეს იდეის შესაბამისად სამოქმედო და ბიზნეს გეგმების შედგენა;
მენტორის მეთვალყურეობის ქვეშ სხვადასხვა ტიპის პრაქტიკული აქტივობების ჩატარება, რომელიც ხელს შეუწყობს პირველადი ბიზნეს პროდუქტის ჩამოყალიბებას;
პოტენციური კომპანიის ბრენდ -ელემენტების შედგენა.
აღსანიშნავია, რომ ბიზნეს ინკუბატორის პროექტისათვის, უნივერსიტეტში უკვე გამოიყო სპეციალური სამუშაო სივრცე, სადაც პროექტის მონაწილეები შეკრებასა და მენტორთან ერთად მუშაობას შეძლებენ.
შეგახსენებთ, რომ ინკუბაციის პროცესი დაიყოფა 3 ეტაპად. დასკვნით ტურში გადასული გუნდებიდან საუკეთესოს კომისია და მოწვეული სტუმრები შეარჩევენ. გამარჯვებულ გუნდს ფულადი ჯილდო გადაეცემა, რომელიც მათ იდეის განხორციელებაში დაეხმარება.
ადრესატი
თქვენი სახელი
ელ-ფოსტა
თემა
შეტყობინება
