გაცვლითი პროგრამა სტამბულის აიდინის უნივერსიტეტში (სტამბული, თურქეთი) CIU-ს სტუდენტებისთვის

2024-2025 აკადემიური წლის შემოდგომის სემესტრისთვის, კავკასიის საერთაშორისო უნივერსიტეტი აცხადებს სტუდენტების მიღებას სემესტრულ გაცვლით პროგრამაზე სტამბულის აიდინის უნივერსიტეტში (სტამბული, თურქეთი).

პროგრამაში მონაწილეობა შეუძლიათ: CIU-ს საერთაშორისო ურთიერთობების საბაკალავრო-სამაგისტრო; პოლიტიკური მეცნიერებების სადოქტორო; მენეჯმენტის საბაკალავრო; საერთაშორისო ბიზნესის მენეჯმენტის სამაგისტრო; ბიზნესის ადმინისტრირების სადოქტორო პროგრამების სტუდენტებს, გარდა ამისა, მედიცინისა და სტომატოლოგიის (მხოლოდ პირველი და მეორე კურსის) საგანმანათლებლო პროგრამების სტუდენტებს.

სწავლის ხანგრძლივობა - 1 სემესტრი

სტუდენტთა რაოდენობა - 2

სააპლიკაციო დოკუმენტების წარდგენის ბოლო ვადაა 25 აპრილი, 2024 წელი.

სააპლიკაციო დოკუმენტები (pdf ფორმატით) მიიღება შემდეგ ელექტრონულ მისამართზე: ird@ciu.edu.ge

აპლიკანტებმა სათაურის ველში უნდა მიუთითონ - ,,გაცვლითი პროგრამა სტამბულის აიდინის უნივერსიტეტში.’’

სააპლიკაციო დოკუმენტები:

• პირადობის დამადასტურებელი საბუთის ასლი;
• ცნობა სტუდენტის სტატუსის შესახებ (ინგლისურ ენაზე);
• ნიშნების ფურცელი (ინგლისურ ენაზე);
• სამოტივაციო წერილი (ინგლისურ ენაზე);
• CV (ინგლისურ ენაზე).

დამატებითი ინფორმაციისთვის მიმართეთ კავკასიის საერთაშორისო უნივერსიტეტის საერთაშორისო ურთიერთობების დეპარტამენტს (507-ე ოთახი), ird@ciu.edu.ge, +995 591152121 (შიდა 109).