ფუტსალის ლიგა 2-ის IX ტურის შეხვედრაში, კავკასიის საერთაშორისო უნივერსიტეტი ილიაუნის გუნდს დაუპირისპირდა. „საუნივერსიტეტო დერბი“ საკმაოდ დაძაბული და საინტერესო გამოდგა. 39-ე წუთზე ნიკა გვაზავამ ილიაუნის დაწინაურება მოახერხა. დარჩენილ დროში კსუ-ს მხრიდან გოლს ბექა ყარსიმაშვილმა უპასუხა, შედეგად კი შეხვედრა ფრედ 1-1 დასრულდა. ამ შედეგით კსუ-ს გუნდს უკვე გარანტირებული აქვს პლეი-ოფში მოხვედრა.
ფუტსალის ლიგა 2-ის ბოლო X ტურის მატჩში, 5 აპრილს კსუ-ს გუნდი, თსუ 2-ს დაუპირისპირდება.
შეგახსენებთ, რომ ფუტსალის ლიგა 2-ში სულ 6 გუნდი მონაწილეობს. რეგულარული სეზონის დასრულების შემდეგ, 4 საუკეთესო გუნდი პლეი-ოფში გადაინაცვლებს, სადაც გამარჯვებული მომდევნო სეზონში ფუტსალის ლიგაში (რანგით პირველი ლიგა) დაწინაურდება.
ადრესატი
თქვენი სახელი
ელ-ფოსტა
თემა
შეტყობინება
