ფილმის საჯარო ჩვენება კსუ-ში

კავკასიის საერთაშორისო უნივერსიტეტის თვითმმართველობის ორგანიზებით, უნივერსიტეტის საკონფერენციო დარბაზში - პიტერ უირის 1989 წელს გამოსული ამერიკული დრამატული ფილმის - ,,მკვდარი პოეტების საზოგადოება“ საჯარო ჩვენება მოეწყო.
ფილმში მოთხრობილია ისტორია კოლეჯის მეგობრების შესახებ, რომლებიც ინგლისური ლიტერატურის ლექტორს დაუახლოვდებიან. პროფესორი ბიჭებს საიდუმლო საზოგადოების შესახებ უყვება, რომლის წევრებიც საზოგადოებაში მიღებულ ნორმებს არღვევდნენ. ის ხელს უწყობს თავის მოსწავლეებს, იცხოვრონ თითოეული დღით და იპოვნონ თავიანთი გზა ცხოვრებაში.
ფილმის ჩვენებას კსუ-ს სხვადასხვა ფაკულტეტისა და კურსის სტუდენტები ესწრებოდნენ, რომლებმაც გამოთქვეს სურვილი, რომ ამ ტიპის საჯარო ჩვენებები და შემდეგ განხილვა-დისკუსიები სისტემატურად მოეწყოს.