ერასმუს+ პროგრამის პერსონალის მობილობის ფარგლებში კავკასიის საერთაშორისო უნივერსიტეტს ერთკვირიანი საპასუხო ვიზიტით ეწვია ლა რიოხას უნივერსიტეტის დელეგაცია. დელეგაციის წევრების იყვნენ: მიგელ ანხელ ასედო-რამირესი - პროფესორი, სტრატეგიული პროექტის "ევროპული უნივერსიტეტების ინიციატივა" დირექტორი, ეკონომიკისა და მეწარმეობის დეპარტამენტი; ხულია არბიზუ - აგრონომიის სამაგისტრო პროგრამის დირექტორი, სოფლის მეურნეობისა და სურსათის დეპარტამენტი; ელენა გონსალეზ ფანდოსი - კვების ტექნოლოგიის პროფესორი, სტრატეგიული პროექტის "ღვინის რეგიონი" დირექტორი, სოფლის მეურნეობისა და სურსათის დეპარტამენტი.
ვიზიტის ფარგლებში შეხვედრები და მოლაპარაკებები გაიმართა კავკასიის საერთაშორისო უნივერსიტეტის რექტორთან, საერთაშორისო ურთიერთობების დეპარტამენტის წარმომადგენლებთან, მევენახეობა-მეღვინეობის ფაკულტეტის დეკანსა და მევენახეობა მეღვინეობის ფაკულტეტის დეკანის მოადგილესთან სამეცნიერო მიმართულებით.
შეხვედრების დროს განხილულ იქნა მევენახეობა-მეღვინეობის მიმართულებით უნივერსიტეტებს შორის არსებული თანამშრომლობა, სტუდენტებისა და აკადემიური პერსონალის გაცვლის შესაძლებლობები და შემდგომი თანამშრომლობის შესაძლებლობები როგორც აკადემიური, ისე კვლევითი მიმართულებით.
შეხვედრის შედეგად მხარეებმა შეთანხმებას მიაღწიეს, რათა კავკასიის საერთაშორისო უნივერსიტეტი, როგორც ასოცირებული წევრი შეუერთდეს ლა რიოხას უნივერსიტეტის ინიციატივას „ევროპული უნივერსიტეტების გაერთიანება“, რომლის წევრების იქნებიან ევროპის წამყვანი უნივერსიტეტები მევენახეობა-მეღვინეობისა და ღვინის ტურიზმის მიმართულებით.
ასევე, ლა რიოხას უნივერსიტეტის წარმომადგენლებმა მოინახულეს კავკასიის საერთაშორისო უნივერსიტეტის მევენახეობა-მეღვინეობის ფაკულტეტის ინფრასტრუქტურა და ლაბორატორიები, მარანი „კოლხი“ და კავკასიის საერთაშორისო უნივერსიტეტის მეღვინეობა „ეთნო ოკამი“. მათ პოზიტიურად შეაფასეს უნივერსიტეტის აღნიშნული მიმართულების განვითარების სტრატეგია და მზაობა გამოხატეს შემდგომი ერთობლივი პროექტებისა და თანამშრომლობის განვითარებაზე.
აღსანიშნავია, რომ კავკასიის საერთაშორისო უნივერსიტეტი 2019 წლიდან აქტიურად თანამშრომლობს ლა რიოხას უნივერსიტეტთან, რომლის ფარგლებში მხარეები ახორციელებენ პერსონალისა და სტუდენტების მობილობას.
ადრესატი
თქვენი სახელი
ელ-ფოსტა
თემა
შეტყობინება