პირველი ტურის შეხვედრაში ჩვენმა გუნდმა „მგზავრები“ დამაჯერებლად, 111:50 დაამარცხა, შეხვედრის საუკეთესო ბომბარდირი კი 23 ქულით ამერიკელი მაიკ ბალოგანი გახდა.
ბექა წივწივაძის გაწვრთნილი „კავკასია“, სადაც ქართველ კალათბურთელებთან ერთად, 4 ამერიკელი ლეგიონერი თამაშობს, სუპერლიგაში გადასვლის ერთ-ერთი მთავარი კანდიდატია.
ცნობისთვის, საქართველოს კალათბურთის ჩემპიონატის „ა“ ლიგაში სულ 6 გუნდი ასპარეზობს, საიდანაც 4 გუნდი პლეი-ოფში გადადის, მათგან საუკეთესო მომდევნო სეზონში სუპერლიგაში ითამაშებს, მე-2 ადგილზე გასული გუნდი კი სუპერლიგის საგზურისთვის გადათამაშებაში მიიღებს მონაწილეობას.