კავკასიის საერთაშორისო უნივერსიტეტში, საერთაშორისო ურთიერთობების დეპარტამენტის ორგანიზებით, საერთაშორისო ორგანიზაციამ - ,,ერასმუსის სტუდენტების გაერთიანებამ“ (“ESN Tbilisi ISU“) სტუდენტებისათვის საინფორმაციო შეხვედრა გამართა.
შეხვედრაზე mov’in-ის კოორდინატორმა - ზვიად კაკაურიძემ ,,Erasmus+-ის“ არსებული პროგრამები, მათში მონაწილეობის შესაძლებლობები და ვადები განიხილა. ასევე შეკრებილ აუდიტორიას იმ პროექტების შესახებ ესაუბრა, რომელიც მიმდინარე წელს ორგანიზაციამ განახორციელა.
იესენი (Erasmus Student Network- ESN) 1989 წელს ევროკომისიის ხელშეწყობით დაარსდა. იესენი დღესდღეობით ევროპის მასშტაბით ერთ-ერთი უდიდესი სტუდენტური ორგანიზაციაა, რომელიც წარმოდგენილია ევროპის 40 ქვეყნის 500-ზე მეტ უნივერსიტეტში სექციების სახით.
ორგანიზაციის უმთავრესი მიზანია გაცვლითი სტუდენტების წარმომადგენლობა ადგილობრივ და საერთაშორისო დონეზე, გაცვლით სტუდენტებსა და მიმღებ უნივერსიტეტებს შორის სოციალური ინტეგრაციის გაღრმავება, გარდა ამისა შესაბამისი ინფორმაციის გავრცელება აკადემიურ გაცვლით პროგრამებზე, სტუდენტების მოტივაცია, რათა მათ მიიღონ უმაღლესი განათლება საზღვარგარეთ და მათი გაცვლითი პროგრამისათვის მომზადება მობილობის პერიოდის დაწყებამდე.
მეტი ინფორმაციისთვის ეწვიეთ ESN Tbilisi ISU-ს ოფიციალურ Facebook გვერდს: https://www.facebook.com/ESN.Tbilisi.ISU
ადრესატი
თქვენი სახელი
ელ-ფოსტა
თემა
შეტყობინება
