„კროსვორდ-ტური“ და „ჯეპარდი“ - ინტელექტკლუბის მორიგი აქტივობები კსუ-ში

20 აპრილს, კავკასიის საერთაშორისო უნივერსიტეტის ინტელექტკლუბმა, მორიგი ღონისძიებები გამართა. ამჯერად სტუდენტებმა თავი „კროსვორდ-ტურსა“ და „ჯეპარდში“ გამოსცადეს.

„კროსვორდ-ტური“ კსუ-ს სტუდენტების - მარიამ თოდუასა და ბაკურ ხუბულავას საავტორო პროექტია, რომელიც უკვე მესამედ ჩატარდა. მეოთხედფინალური და ნახევარფინალური შეხვედრების შედეგად, სამი ფინალისტი გამოვლინდა: ირაკლი გაბელია, ნანა კორტავა და ირაკლი ჯანაშია. დაძაბული ფინალური დუელის შემდეგ, გამარჯვება ირაკლი გაბელიას დარჩა, რომელიც სამი ჩატარებული ჩემპიონატიდან, ორგზის ჩემპიონია.

„ჯეპარდში“ კი ჯგუფური, მეოთხედფინალური, ნახევარფინალური და ფინალური ტურების შედეგად სამი პრიზიორი გამოვლინდა: პირველი ადგილი - ნანა კორტავა, მეორე ადგილი - ირაკლი გაბელია, მესამე ადგილი - თორნიკე ბულია.

საპრიზო ადგილზე გასული კონკურსანტები ინტელექტკლუბმა წიგნებით დააჯილდოვა.