კიდევ ერთი სასიამოვნო სიახლე. კავკასიის საერთაშორისო უნივერსიტეტის სამეცნიერო ჟურნალი International Journal of Social Sciences ავტორიტეტულ სამეცნიერო პერიოდული გამოცემების ბაზაში ERIH PLUS-ში არის ინდექსირებული. ეს არის CIU-ს სამეცნიერო კვლევების დეპარტამენტის, ჟურნალის სარედაქციო კოლეგიის, ავტორების, რეცენზენტების შრომის და მიზანდასახული მოქმედების შედეგი.
ჯერ კიდევ სამი წლის წინ, როცა ჟურნალი პირველად გამოვიდა, სამეცნიერო კვლევების დეპარტამენტის გუნდმა გადაწყვიტა შემოეკრიბა საინტერესო ავტორები, რომლებიც შექმნიდნენ საერთაშორისო სტანდარტის ხარისხიან სამეცნიერო პროდუქტს. აღსანიშნავია, რომ ჟურნალის ავტორთა შორის აღიარებულ მეცნიერებთან ერთად არიან ახალგაზრდა მეცნიერები და დოქტორანტები. დღეს IJSS-ს ცნობადობა იმატებს და ის მიმზიდველი ხდება, როგორც საქართველოს, ასევე უცხოეთის უნივერსიტეტების მეცნიერთათვის.
ჟურნალში სტატიების შერჩევა ხდება ორმაგი ანონიმური რეცენზირებით, რაც უზრუნველყოფს სტატიების მაღალ კვლევით ხარისხს. ჟურნალის დამფუძნებელი და მხარდამჭერია CIU, რის შედეგადაც სტატიების გამოქვეყნება არის უფასო და ღია წვდომაში.
ვულოცავთ CIU-ს ყველა გულშემატკივარს კიდევ ერთ საერთაშორისო აღიარებას.
ადრესატი
თქვენი სახელი
ელ-ფოსტა
თემა
შეტყობინება
