14-20 მაისს კავკასიის საერთაშორისო უნივერსიტეტის კანცლერის მრჩეველი მეცნიერებისა და ინოვაციების საკითხებში, პროფესორი ზვიად გაბისონია, ერასმუს+ პროგრამის ფარგლებში, სამუშაო ვიზიტით კომილიასის, ვალიადოლიდისა და ბურგოსის უნივერსიტეტებში (ესპანეთი) იმყოფებოდა.
ვიზიტის ფარგლებში, გაიმართა შეხვედრა ესპანეთში კავკასიის საერთაშორისო უნივერსიტეტის ოფიციალურ წარმომადგენელთან.
ესპანელ კოლეგებთან განხილული იქნა ერთობლივი სადოქტორო და სამაგისტრო პროგრამებისა და კვლევების საკითხები. შეხვედრაზე მხარეები შეთანხმდნენ, რომ CIU-ს, კომიას და ბაიადოლიდის უნივერსიტეტებს შორის გაფორმდება ურთიერთთანამშრომლობის მემორანდუმი, რომლის ფარგლებშიც დაიგეგმება ერთობლივი პროექტები ენოტურიზმის, სამართლის კვლევებისა და ესპანური ენის სწავლების გაძლიერებასთან დაკავშირებით.
ბურგოსის უნივერსიტეტში ვიზიტისას, შეხვედრები გაიმართა მეცნიერების ფაკულტეტის ხელმძღვანელობასთან მევენახეობა-მეღვინეობისა და ენოტურიზმის ერთობლივი სამაგისტრო და სადოქტორო პროგრამების, კვლევების დაგეგმვაზე.
მხარეები შეთანხმდნენ, რომ ბურგოსის უნივერსიტეტი ჩაერთვება კავკასიის საერთაშორისო უნივერსიტეტის ახალი სადოქტორო პროგრამის შემუშავებაში და დოქტორანტებს თანახელმძღვანელობაში მხარს დაუჭერს.
ადრესატი
თქვენი სახელი
ელ-ფოსტა
თემა
შეტყობინება