კავკასიის საერთაშორისო უნივერსიტეტის განცხადება უნივერსიტეტის მიმდებარე ტერიტორიაზე მომხდარ ინციდენტთან დაკავშირებით
15 მაისს კავკასიის საერთაშორისო უნივერსიტეტის შენობის მიმდებარე ტერიტორიაზე სტუდენტებს შორის მოხდა ინციდენტი, რის შემდეგაც სტუდენტების გარკვეული ჯგუფის მიმართ დადგა გადაუდებელი სამედიცინო დახმარების გაწევის აუცილებლობა. ადგილზე დაუყოვნებლივ იქნა გამოძახებული სასწრაფო სამედიცინო დახმარების ბრიგადა და სამართალდამცავი ორგანოები.
სტუდენტებს დროულად გაუწიეს სასწრაფო დახმარება, ნაწილი გადაყვანილი იქნა სამედიცინო დაწესებულებებში.
სამართალდამცავებმა დაიწყეს საგამოძიებო მოქმედებები, მათ შორის, ამოღებულ იქნა მომხდარი ინციდენტის ამსახველი უნივერსიტეტის ვიდეოკამერების ჩანაწერი.
უნივერსიტეტი დაელოდება სამართავლდამცავი ორგანოების მოკვლევის შედეგებს და იმოქმედებს კანონის შესაბამისად.
ხაზგასმით აღვნიშნავთ, რომ კავკასიის საერთაშორისო უნივერსიტეტი პატივს სცემს თითოეული სტუდენტის, ლექტორისა თუ ადმინისტრაციის თანამშრომლის მხრიდან კანონის ჩარჩოში სიტყვისა და გამოხატვის თავისუფლებას.
უნივერსიტეტის ადმინისტრაცია გმობს ყოველგვარ ძალადობრივ ქმედებას და მოუწოდებს სტუდენტებსა და დაინტერესებულ პირებს, შესაძლო პროვოკაციების თავიდან არიდების მიზნით, შეინარჩუნონ სიმშვიდე.
ადრესატი
თქვენი სახელი
ელ-ფოსტა
თემა
შეტყობინება