31 იანვარს ილიას უნივერსიტეტის კულტურის კლუბმა ინტელექტუალური თამაში-ABC – Art Brain Competition - გამართა. ტურნირზე სხვადასხვა უნივერსიტეტის სტუდენტებისგან დაკომპლექტებული 14 გუნდი მონაწილებოდა, მათ შორის, კსუ-ს გუნდი ,,ელარჯი”. თამაშში ხელოვნებისა და კულტურის სფეროდან რა? სად? როდის? - ტიპის კითხვები დაისვა. ინტელექტუალური კონკურსი შედგებოდა სამი ტურისგან, პირველ ორ ტურში გუნდებმა 10-10 შეკითხვას უპასუხეს. ორი ტურის ჯამური შედეგებით, ფინალში, თანაბარი14-14 ქულით, სამი გუნდი- „aal izz well", „გოკონდა" და „ელარჯი"ფინალში გადავიდნენ. დასკვნით ტურში გადასულ სამ გუნდს, ფინალურ ეტაპზე ანგარიში გაუნულდა.
კსუ-ს გუნდმა ხუთი დასმული შეკითხვიდან, ოთხი სწორი პასუხი მოაგროვა და ილიას უნივერსიტეტის კულტურის კლუბის მიერ ორგანიზებული ინტელექტუალური თამაშის ABC – Art Brain Competition გამარჯვებული გახდა.
,,ელარჯის“ შემადგენლობა შემდეგნაირად გამოიყურებოდა - გუნდის კაპიტანი - კსუ-ს ინტელექტკლუბის პრეზიდენტი - ბაკურ ხუბულავა, ამავე კლუბის წევრები გენადი ბჟინავა და ანანო ბურდულაძე იყვნენ, ხოლო შანშე ქექაძე და ბექა ხოჯავა ამ ტურნირზე გუნდს ლეგიონერის სტატუსით შეუერთდნენ. გამარჯვებულ გუნდებს პრიზად სიგელებთან ერთად, ილიაუნის თეატრის, ახმეტელის თეატრის “Tsibaka Game Club-ს“ აბონიმენტები გადაეცათ. აღსანიშნავია, რომ კსუ-ს გუნდი ილიას უნივერსიტეტის კულტურის კლუბის მიერ ორგანიზებულ ჩემპიონატში უკვე მეორე წელია მონაწილეობს და მიმდინარე წელს ,,ელარჯმა” წინა წლის შედეგი ერთი საფეხურით გააუმჯობესა.
ადრესატი
თქვენი სახელი
ელ-ფოსტა
თემა
შეტყობინება