კსუ-მ საკალათბურთო ჩემპიონატის „ა“ ლიგაში „აფხაზეთი“ დაამარცხა

14 მარტს, საქართველოს საკალათბურთო ჩემპიონატის „ა“ ლიგის მე-8 ტურის მატჩში, კსუ-ს გუდმა, დაძაბულ ბრძოლაში „აფხაზეთი“ ანგარიშით 84-67 დაამარცხა. კსუ-ს მხრიდან საუკეთესო შედეგები ამერიკელმა ლეგიონერებმა აჩვენეს - ანდრე უოლკერმა საკუთარ ანგარიშზე 29 ქულა მიითვალა, ხოლო ვენდელ ლუისმა 19.

ამ გამარჯვებით, ბოიან სალატიჩის გაწვრთნილმა გუნდმა ოფიციალურად გაინაღდა პლეი-ოფის საგზური. რეგულარული ჩემპიონატის დასრულებამდე 2 ტურით ადრე, გადაწყვეტილია, რომ პლეი-ოფში კსუ-სთან ერთად, „ვერა“ და „მეგა ბასკეტი“ ითამაშებენ, მეოთხე გუნდს კი დარჩენილი მატჩები გაარკვევს.

შეგახსენებთ, რომ კსუ-ს საკალათბურთო გუნდი საქართველოს ჩემპიონატის „ა“ ლიგაში „სუპერლიგის“ საგზურისთვის იბრძვის, რომელსაც 6 გუნდიდან რეგულარული ჩემპიონატისა და პლეი-ოფის დასრულების შემდეგ, გამარჯვებული დაეუფლება, მე-2 ადგილზე გასული გუნდი კი „სუპერლიგის“ საგზურისთვის დამატებით შეხვედრებს გამართავს.