კსუ-ს კალათბურთის კლუბმა საქართველოს ჩემპიონატის „ა“ ლიგაში მორიგი გამარჯვება მოიპოვა. ბოიან სალატიჩის გაწვრთნილმა კალათბურთელებმა, ამჯერად „მეგა ბასკეტი“ ანგარიშით - 83:62 დაამარცხეს.
მე-5 ტურის წინ გუნდებს 4-4 გამარჯვება ჰქონდათ, რაც დაძაბული შეხვედრის მოლოდინს ქმნიდა, თუმცა კსუ-ს გუნდმა მატჩში იოლი გამარჯვება მოიპოვა და რეგულარული ჩემპიონატის პირველი წრე ერთპიროვნული ლიდერობით დაასრულა.
მატჩის საუკეთესო მოთამაშე კსუ-ს ამერიკელი ლეგიონერი ანდრე უოლკერი გახდა, რომელმაც საკუთარ ანგარიშზე 26 ქულა, 8 მოხსნა და 3 პასი მიითვალა.
შეგახსენებთ, რომ კსუ-ს საკალათბურთო კლუბი საქართველოს ჩემპიონატის „ა“ ლიგაში „სუპერლიგის“ საგზურისთვის იბრძვის, რომელსაც 6 გუნდიდან რეგულარული ჩემპიონატისა და პლეი-ოფის დასრულების შემდეგ, გამარჯვებული დაეუფლება, მე-2 ადგილზე გასული კი „სუპერლიგის“ საგზურისთვის დამატებით შეხვედრებს გამართავს.
ადრესატი
თქვენი სახელი
ელ-ფოსტა
თემა
შეტყობინება