კსუ-ს საკალათბურთო გუნდმა კლუბი ,,თბილისი“ დაამარცხა

2017-2018 წლების სეზონის ,,ა“ ლიგაში მოსახვედრად, 9-დან 18 დეკემბრამდე საკვალიფიკაციო ტურნირი იმართება, რომელშიც კავკასიის საერთაშორისო უნივერსიტეტის საკალათბურთო გუნდთან ერთად, ,,თბილისი“, ,,რაზმი“ და ,,ზაზა ფაჩულიას აკადემია“ მონაწილეობენ.

9 დეკემბრის სათამაშო დღეს, კსუ-ს გუნდი, კლუბ ,,თბილისს“ დაუპირისპირდა. პირველ პერიოდში თამაში გარდამავალი უპირატესობით წარიმართა, თუმცა მალევე გამოიკვეთა კსუ-ს კალათბურთელების უპირატესობა და საბოლოო ჯამში გუნდმა ოთხივე პერიოდის მოგება დამაჯერებელი ანგარიშით შეძლო.

კავკასიის საერთაშორისო უნივერსიტეტის გუნდში საუკეთესო მაჩვენებელი  17 ქულა ამერიკელმა ლეგიონერმა რაიან აარონმა - აჩვენა. 15 ქულით გამოირჩა გიგი მელაძე, ხოლო ნიკა ღაღანიძემ 12 ქულა მიითვალა.

საკვალიფიკაციო ეტაპის პირველი შეხვედრის საბოლოო ანგარიში, კსუ-ს სასარგებლოდ 91:56 დაფიქსირდა.

შეგახსენებთ, რომ უნივერსიტეტის საკალათბურთო გუნდის მწვრთნელი ლევან ტყეშელაშვილი გახლავთ.