სტუდენტური მინი-კონფერენცია

კავკასიის საერთაშორისო უნივერსიტეტის სტუდენტებმა ინოვაციებისა და სტრატეგიული განვითარების დეპარტამენტის უფროსის, ალექსანდრე რუსეცკის სასწავლო დისციპლინის - ,,ეფექტური მოლაპარაკებები და კომუნიკაცია“ საგნის ფარგლებში, შუალედური გამოცდის მოხსენებები, კავკასიის გეოპოლიტიკური მოდელირების ლაბორატორიაში, ყაზახეთის ალფარაბის სახელობის ნაციონალური უნივერსიტეტის წარმომადგენლებს და საგნის პედაგოგს წარუდგინეს.

სტუდენტური მინი-კონფერენცია გაეროში საქართველოს ინტეგრაციის 25 წლისთავს მიეძღვნა და მომხსენებლებმა ბავშვთა უფლებებსა და უსაფრთხოებაზე ისაუბრეს.

სტუმრებმა -  ალფარაბის სახელობის ნაციონალური უნივერსიტეტის ფილოსოფიისა და პოლიტოლოგიის ფაკულტეტის, პოლიტოლოგიისა და პოლიტიკური ტექნოლოგიების კათედრის ხელმძღვანელმა - გულნარ ნასიმოვმა და მისმა მოადგილემ  სასწავლო-მეთოდოლოგიურ საკითხებში - ბაკიტ რახიმბეკოვამ, სტუდენტური მოხსენებები დადებითად შეაფასეს და შეკრებილ აუდიტორიასთან ,,ყაზახეთის სტუდენტობა და მათი დამოკიდებულება პოლიტიკასთან“- საჯარო ლექცია ჩაატარეს.

ვიზიტის ფარგლებში უცხოელი სტუმრები კსუ-ს პოლიტიკის მეცნიერების სადოქტორო პროგრამის სტუდენტებსა და პროფესორ-მასწავლებლებს შეხვდნენ.  საუბრის თემა პოლიტიკურ კულტურასა და პროპაგანდას, დემოგრაფიულ და სოციალურ პრობლემებს შეეხებოდა.