პროექტი - მე თბილისის მოტრფიალე ვარ

კავკასიის საერთაშორისო უნივერსიტეტში სასკოლო-საგანმანათლებლო პროექტის „მე თბილისის მოტრფიალე ვარ“ - მორიგ ტურში ერთმანეთს მცხეთის მუნიციპალიტეტიდან  სოფელ გალავნისა და სოფელ წეროვნის საჯარო სკოლები, რუსთავის N 20,  ,,საუნჯე“,  N 4 დ ა  N 11 სკოლის ორი გუნდი და მესამე თამაშში გარდაბნის მუნიციპალიტეტიდან კრწანისის, ახალი სამგორის, თელეთისა და კუმისის საჯარო სკოლების გუნდები შეხვდნენ.

3 აპრილს გამართული თამაშის შედეგად სამი გამარჯვებული გამოვლინდა, ესენია: N 4, სოფელ გალავნისა და თელეთის საჯარო სკოლები.
სასკოლო-საგანმანათლებლო თამაშების კვირეულში თბილისის, რუსთავის, გარდაბნის, მცხეთისა და ბოლნისის სკოლების მოსწავლეები მონაწილეობენ.
პროექტის მიზანია თბილისის ისტორიის პოპულარიზაცია.

პროექტს კავკასიის საერთაშორისო უნივერსიტეტი უკვე მეორე წელია ახორციელებს, ინტელექტუალური შეჯიბრის ფინალი 16 აპრილსაა ჩანიშნული.