დასაქმების სააგენტო ეიჩარის წარმომადგენლების საინფორმაციო შეხვედრა

5 აპრილს კავკასიის საერთაშორისო უნივერსიტეტის საკონფერენციო დარბაზში „დასაქმების სააგენტო ეიჩარის“ წარმომადგენლებმა - კადრების შერჩევის ოფიცერმა - ანა ჩაჩიბაიამ და პროექტის ასისტენტმა - თამუნა გოგელიამ სტუდენტებთან საინფორმაციო შეხვედრა გამართეს.

მათ  „დასაქმების ფორუმი 2016-ის“ შესახებ სტუდენტებს ინფორმაცია მიაწოდეს დამსაქმებელი კომპანიების, ვაკანსიების, კანდიდატის რეზიუმეს აღწერილობასა და ფორუმის მიზნებზე. სტუდენტებს საშუალება ჰქონდათ მონაწილეობის დამადასტურებელი აპლიკაციები ადგილზე შეევსოთ.

„დასაქმების სააგენტო ეიჩარის“ წარმომადგენლების თქმით, ფორუმში მონაწილეობას მიიღებენ საქართველოში მოქმედი წამყვანი კომპანიები, რომელთა წარმომადგენლები სტუდენტებს პირისპირ გაესაუბრებიან.

„დასაქმების ფორუმი 2016“  20 მაისი 11 საათზე გაიმართება.