მევენახეობა-მეღვინეობის ფაკულტეტის სტუდენტების ვიზიტი ღვინის ეროვნულ სააგენტოში

25 იანვარს კავკასიის საერთაშორისო უნივერსიტეტის მევენახეობა-მეღვინეობის ფაკულტეტის ქართული მევენახეობა-მეღვინეობის სამაგისტრო პროგრამის სტუდენტები სასწავლო დისციპლინის ხელმძღვანელის - ირმა მდინარაძის მიწვევით სსიპ ღვინის ეროვნულ სააგენტოს ესტუმრნენ.

მაგისტრანტები ადგილზე გაეცნენ სსიპ ღვინის ეროვნული სააგენტოს მუზეუმს, მუდმივმოქმედ სადეგუსტაციო კომისიის ფუნქცია მოვალეობებსა და სადეგუსტაციო პროცესის მიმდინარეობის პრაქტიკულ თუ ტექნიკურ ასპექტებს.

პარალელურად, პრაქტიკული კომპონენტის გაუმჯობესების მიზნით, თებერვლის თვეში ღვინის ლაბორატორიაში სასწავლო ფორმატის ყოველკვირეული შეხვედრები დაიგეგმა, რაც სტუდენტებში თეორიული ცოდნის განმტკიცებასა და მის დახვეწას შეუწყობს ხელს.