,,ჩვენი თაობის სათქმელი” - ახალი პროექტია, რომელიც კსუ-ში სტუდენტებთან და საზოგადოებასთან ურთიერთობების დეპარტამენტის სპეციალისტის, მარინე უგულავას ინიციატივითა და ორგანიზებით ხორციელდება.
პროექტში 8 ძირითადი თემა გამოიყო ისეთი, როგორიცაა: განათლება, ეკონომიკა, ეკოლოგია, რუსეთი და ევროპა; ,,ჩვენი თაობის სათქმელი” - პირველი კურსის სტუდენტებზე გათვლილი პროექტია; მათ სასწავლო წლის მანძილზე ამ სახელწოდების მიხედვით თემები მოამზადეს პრობლემურ თუ მათთვის საინტერესო საკითხების ირგვლივ. პროექტის ფორმატი ასეთია: ძირითადი თემების გამოყოფის შედეგად დაჯგუფებულ მოსაზრებებს, კითხვებსა თუ შეფასებებს კსუ-ს პროფესორები პასუხობენ.
პირველ შეხვედრაზე სტუდენტებს ,,ჩვენი თაობის სათქმელის“ ფარგლებში, ქვეთემით - გზაგასაყარი - პოლიტიკურ მეცნიერებათა დოქტორი, კსუ-ს პროფესორი თამარ კიკნაძე შეხვდა. წინასწარ გაწერილი საერთაშორისო ურთიერთობები და პოლიტიკური წესრიგი, ვიზა - ლიბერალიზაციის საკითხი თუ საქართველოს ადგილი მსოფლიო პოლიტიკურ რუკაზე - ეს ის ძირითადი თემები იყო, რაზეც შეხვედრის მიმომხილველმა ყურადღება გაამახვილა.
პროექტის ორგანიზატორის, მარინე უგულავას განცხადებით, ,,ჩემი თაობის სათქმელი’’ მომავალი სემესტრის განმავლობაშიც გაგრძელდება და ყველა პირველკურსელი მისთვის საინტერესო თემასა თუ საკითხზე პასუხს მიიღებს.
ადრესატი
თქვენი სახელი
ელ-ფოსტა
თემა
შეტყობინება
