ბუნება მბრძანებელია - გარდაბნის მუნიციპალიტეტის სკოლების თამაში

კავკასიის საერთაშორისო უნივერსიტეტი საქართველოს მწვანეთა მოძრაობა/„დედამიწის მეგობრები საქართველოსთან“ ერთად სასკოლო საგანმანათლებლო პროექტს - „ბუნება მბრძანებელია’’- ატარებს.

პროექტის მიზანია გარემოსდაცვითი ცნობიერების ამაღლება, მწვანე ეკონომიკის პრინციპების გაცნობა და საქართველოსა და ევროკავშირს შორის ასოცირების ხელშეკრულების გარემოსდაცვითი სარეკომენდაციო ვალდებულებების მნიშვნელობის გაცნობიერება.

ინტელექტუალურ თამაშში ერთმანეთს გარდაბნის მუნიციპალიტეტის N 1, კრწანისის, ახალი სამგორის, ლემშვენიერას, მარტყოფის N 1, სართიჭალის N 1 საჯარო სკოლის გუნდები შეხვდნენ.

შეჯიბრებას უნივერსიტეტის ადმინისტრაციის წარმომადგენლები ესწრებოდნენ.

აღსანიშნავია, რომ პროექტში კსუ-ს სტუდენტები მოხალისეებად არიან ჩართული.

ინტელექტუალურ თამაშში გარდაბნის მუნიციპალიტეტის სკოლებიდან სართიჭალის N 1-ლმა საჯარო სკოლამ გაიმარჯვა.