კომპანია სოფარმას წარმომადგენელი ელისო კოკაია კსუ-ში

კავკასიის საერთაშორისო უნივერსიტეტში, ფარმაციის საბაკალავრო პროგრამის ხელმძღვანელის გია ჩუბინიძის მოწვევით, კომპანია ,,სოფარმას“ ამიერკავკასიის წარმომადგენლობის სარეგულაციო საქმეთა მენეჯერი ელისო კოკაია ესტუმრა.

 კომპანიის წარმომადგენელმა სტუდენტებს ,,სოფარმას“ სტრუქტურა გააცნო და სტუდენტებს სამახსოვრო საჩუქრები გადასცა. ევროპული სტანდარტები, პროდუქციის ხარისხი და ხელმისაწვდომობა - ეს მათი პრიორიტეტებია.

 ,,სოფარმა“ 40-ზე მეტ ქვეყანაში ყიდის წამლებს, აქვს სამეცნიერო-კვლევითი ლაბორატორია, ინოვაციური გამოგონებების ცენტრი და მარკეტინგის განყოფილება.

შეხვედრის ფარგლებში დაიგეგმა სამომავლო თანამშრომლობა, რაც წარმატებული სტუდენტების კომპანიაში დასაქმებას გულისხმობს.