საინფორმაციო შეხვედრა

კარიერის განვითარების ცენტრის მოწვევით, დასაქმების სააგენტო „ეიჩარის“ წარმომადგენლებმა კავკასიის საერთაშორისო უნივერსიტეტში საინფორმაციო შეხვედრა გამართეს.

დასაქმების ფორუმზე, რომელიც 1 მაისს „ქორთიარდ მერიოტში“ გაიმართება, სტუდენტებს საშუალება ეძლევათ უშუალოდ სასურველი  კომპანიის წარმომადგენლებს შეხვდნენ და საკუთარი შესაძლებლობები წარმოაჩინონ.

დასაქმების სააგენტო „ეიჩარის“  ინფორმაციით, წელს ფორუმზე 60-მდე ორგანიზაცია ღია ვაკანსიებით იქნება წარმოდგენილი.

დასაქმების სააგენტოს წარმომადგენელმა ანა ლიმარენკომ  სტუდენტებს სივის სპეციფიკა გააცნო და ურჩია, რომ ფორუმზე საკმარისი რაოდენობის რეზიუმეები იქონიონ.