მილანის უნივერსიტეტის სტიპენდია

მილანის უნივერსიტეტის სტიპენდია

მილანის უნივერსიტეტის მიერ გამოყოფილია 60 სტიპენდია იტალიის ენისა და კულტურის საერთაშორისო კურსზე დასასწრებად. კურსები ჩატარდება ორჯერადად გარნიანოს კორპუსში, გარდას ტბაზე. თითოეული კურსის ხანგრძლივობა შეადგენს 3 კვირას:

- პირველი კურსი: 2015 წლის 6 ივლისი, ორშაბათი- 25 ივლისი, შაბათი;

- მეორე კურსი: 2015 წლის 27 ივლისი, ორშაბათი - 15 აგვისტო, შაბათი.  

კურსები განკუთვნილია 18-დან 40 წლამდე უცხოელთათვის, რომლებიც კარგად ფლობენ იტალიურ ენას (ენის ცოდნის მინიმალური დონე: B1 ენის ცოდნის შეფასების ევროპული სისტემით).

სტიპენდიის შესახებ მოთხოვნა კურსების სამდივნომ უნდა მიიღოს:

- 2015 წლის 27 მარტამდე - 6 ივლისიდან 25 ივლისამდე კურსზე ჩასარიცხად;

- 2015 წლის 3 აპრილამდე - 27 ივლისიდან 15 აგვისტომდე კურსზე ჩასარიცხად.

სასწავლო სტიპენდია დაფარავს ყველა ლექციაზე დასწრების, კვებისა (ორშაბათიდან პარასკევამდე) და ცხოვრების ხარჯებს (შაბათ-კვირის ჩათვლით). სტიპენდიანტმა კი უნდა გადაიხადოს ჩარიცხვის გადასახადი (130 ევრო), მგზავრობისა და შაბათ-კვირას კვების ხარჯები, არასავალდებულო კულტურული ღონისძიებების გადასახადები.

დამატებითი ინფორმაცია იხილეთ ვებგვერდზე:  http://users2.unimi.it/centrocalcif/?p=1058