აკადემიური მობილობა კავკასიის საერთაშორისო უნივერსიტეტის პარტნიორ, ლოძის უნივერსიტეტში!

კავკასიის საერთაშორისო უნივერსიტეტი აცხადებს კონკურსს 2014-2015 წლის გაზაფხულის სემესტრის  სტუდენტთა აკადემიურ მობილობაზე ლოძის უნივერსიტეტში (პოლონეთი).

კონკურსში მონაწილეობის მიღება შეუძლიათ კსუ-ს სოციალურ მეცნიერებათა, ბიზნესის, სამართლის ფაკულტეტის საბაკალავრო საგანმანათლებლო პროგრამების სტუდენტებს, რომლებიც სრულყოფილად ფლობენ ინგლისურ ენას და აქვთ მაღალი აკადემიური მოსწრება. პრიორიტეტი ენიჭებათ კსუ-ს პოლონური ენის შემსწავლელი კურსის მსმენელებს.

კონკურსში მონაწილეობის მსურველთა სააპლიკაციო დოკუმენტაციის მიღება მოხდება ელექტრონულად, შემდეგ მისამართზე: hr@ciu.edu.ge

კონკურსი ტარდება ორ ეტაპად:

I- ეტაპი: რეგისტრაცია 21-28 ნოემბრის ჩათვლით;

II- ეტაპი: გასაუბრება (ჩატარდება 1 დეკემბერს).

რეგისტრაციისათვის სავალდებულო დოკუმენტების ჩამონათვალი:

§  CV- ინგლისურ ენაზე;

§  ჰოლანდის ტესტის შედეგი (http://myprofession.ge/test/element1);

§  ინგლისური ენის ცოდნის დამადასტურებელი სერტიფიკატი (არსებობის შემთხვევაში);

§  პასპორტის ასლი.

 საბუთების მიღების შემდეგ ჩატარდება გასაუბრება მიმღებ კომისიასთან.

დამატებითი ინფორმაციის მისაღებად მიმართეთ ნანა გადელიას და მარიამ გიგინეიშვილს.

ინოვაციებისა და სტრატეგიული განვითარების დეპარტამენტი (კსუ-ს  პირველი კორპუსი, მესამე სართული, ოთახი 306).

ისარგებლე მობილობით და გახდი ლოძის უნივერსიტეტის სტუდენტი.