სადოქტორო პროგრამაზე ჩარიცხვის მსურველთათვის

კავკასიის საერთაშორისო უნივერსიტეტი აცხადებს დამატებით მიღებას ბიზნესის ადმინისტრირების სადოქტორო პროგრამაზე.

სადოქტორო პროგრამაზე ჩარიცხვის კანდიდატი ვალდებულია წარმოადგინოს შემდეგი საბუთები:

• კონკურსანტის ავტობიოგრაფია (მონაცემები განათლებისა და შრომითი საქმიანობის შესახებ), „CV“; 
• მაგისტრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დამოწმებული ასლი; 
• პირადობის დამადასტურებელი მოწმობის (პასპორტის) ასლი; 
• დარგის სპეციალისტთა ორი რეკომენდაცია; 
• ფოტოსურათი, ზომით 3X4 (სმ), 
• მიწერის მოწმობის ან სამხედრო ბილეთის ასლი (სამხედრო ვალდებულისათვის); 
• ინგლისური ენის B2 დონის ცოდნის დამადასტურებელი სერთიფიკატი; ამასთან, ინგლისური ენის B2 დონეზე ცოდნის სერთიფიკატის წარდგენისაგან თავისუფლდება პირი, რომელსაც საბაკალავრო ან სამაგისტრო პროგრამა გავლილი და დასრულებული აქვს ინგლისურ ენაზე. 
სადოქტორო პროგრამებზე ჩარიცხვის წინაპირობა: 
• განცხადებასთან ერთად დოქტორანტი ვალდებულია წარმოადგინოს მის მიერ შერჩეული სამეცნიერო ხელმძღვანელის კანდიდატურა და მისი შუამდგომლობა. შუამდგომლობაში დასაბუთებული უნდა იყოს შერჩეული თემის აქტუალობა და მნიშვნელობა; 
• დოქტორანტობის კანდიდატს უნდა გააჩნდეს მაგისტრის ან მასთან გათანაბრებული აკადემიური ხარისხი შესაბამისი მიმართულებით;
საბუთების მიღება იწარმოებს 2014 წლის 29 სექტემბრიდან 3 ოქტომბრის ჩათვლით. 

ინგლისურ ენაში ტესტირება ჩატარდება 4 ოქტომბერს 11 საათზე.
სპეციალობაში გასაუბრება ჩატარდება 4 ოქტომბერს 12 საათზე.