პანელური ფორმატის დისკუსია

27 მარტს, 16:00 საათზე, კავკასიის საერთაშორისო უნივერსიტეტში „ახალგაზრდული ფორუმი მდგრადი განვითარებისა და ევროინტეგრაციის“ ფარგლებში პანელური ფორმატის დისკუსია გაიმართება.

ფორუმი მიზნად ისახავს ახალგაზრდების ინფორმირებულობის, ჩართულობისა და გადაწყვეტილების მიღების პროცესში მონაწილეობის გაზრდას, ინოვაციური ხედვების წარმოჩენას და ასახვას, ქვეყნის მიერ განსახორციელებელი ამოცანების შესრულების პროცესში. მათ შორის, გაეროს მდგრადი განვითარების მიზნების და საქართველოს ევროპული ინტეგრაციის საკითხებთან დაკავშირებით.

ფორუმი წარიმართება სადისკუსიო-პანელურ ფორმატში, უმაღლეს სასწავლებლებში, დედაქალაქსა და რეგიონებში. უნივერსიტეტები თავად განსაზღრავენ თემატიკას საკუთარი აკადემიური საბჭოს მეშვეობით გაეროს მდგრადი განვითარების 17 მიზნის, ასოცირების შეთანხმებისა და ქვეყნის ეკონომიკური განვითარების საკითხებზე.