წაუგებელი მატჩების სერია ქვიშის ფეხბურთში

კავკასიის საერთაშორისო უნივერსიტეტის ფეხბურთის გუნდი წაუგებელი მატჩების სერიით, 2018 წლის ზაფხულის უნივერსიადის ფარგლებში გამართული ქვიშის ფეხბურთის გამარჯვებულია.
8-14 სექტემბრის ჩათვლით, საქართველოს განათლების, მეცნიერების, კულტურისა და სპორტის სამინისტროს მხარდაჭერით, საქართველოს საუნივერსიტეტო სპორტის ფედერაციამ, საქართველოში აკრედიტებული უმაღლესი სასწავლებლების სტუდენტებს შორის, დაბა ურეკში - ქვიშის ფეხბურთში (ვაჟები) ტურნირი ჩაატარა. აღნიშნულ ტურნირში კავკასიის საერთაშორისო უნივერსიტეტის გუნდთან ერთად, უნივერსადის უმაღლესი ლიგის 7 საუკეთესო გუნდი მონაწილეობდა.
ფინალში სათამაშოდ, კსუ-ს ფეხბურთელებმა სამი ძირითადი გამარჯვება მოიპოვეს:
კსუ - ილიას სახელმწიფო უნივერსიტეტი - 1-0,
კსუ - ქართული უნივერსიტეტი - 7-2,
კსუ - სპორტის უნივერსიტეტი - 4-1,
ფინალში კი ილიას სახელმწიფო უნივერსიტეტის გუნდი, 4-1 დაამარცხეს.
საბოლოო ჯამში პირველი სამეული შემდეგნაირად დაკომპლექტდა:
პირველი ადგილი - კსუ, მეორე ადგილი - ილიას სახელმწიფო უნივერსიტეტი, მესამე ადგილი - გურამ თავართქილაძის უნივერსიტეტი.

კსუ-ს საფეხბურთო კლუბი მადლობას უხდის საქართველოს საუნივერსიტეტო სპორტის ფედერაციას ჩატარებული ტურნირისათვის და კავკასიის საერთაშორისო უნივერსიტეტის ადმინისტრაციას გაწეული ფინანსური დახმარებისვის.