17 ნოემბერს, კავკასიის საერთაშორისო უნივერსიტეტის ინტელექტკლუბის ორგანიზებით გაიმართა ,,ინტელექტუალური დუელი", რომელიც აღნიშნული კლუბის ინოვაციას წარმოადგენს. წესების მიხედვით, თამაში შედგება ორი რაუნდისაგან: პირველ რაუნდში - ორი 4 კაციანი გუნდი უპირისპირდება ერთმანეთს, თამაში დასწრებაზეა, თუ ერთმა გუნდმა მეორეს დაასწრო სწორი პასუხი, პლუს ერთი ქულა ემატება, არასწორი პასუხის შემთხვევაში, გუნდს ან მინუს ქულა ეწერება, ან მოთამაშეს სწირავს.
მეორე რაუნდში იმართება ბლიც-ტური, სადაც გუნდებიდან თითო მოთამაშე თამაშობს, მეორე ტურში ისმება ხუთი კითხვა, ხოლო გამარჯვებულია ის გუნდი, რომელსაც ორი ტურის ჯამური მონაცემებით, უფრო მეტი ქულა ექნება მოგროვებული.
17 ნოემბრის ინტელექტუალურ დუელში, მონაწილეობდა 8 გუნდი, რომელიც როგორც კსუ-ს ასევე, სხვა უმაღლესი სასწავლო დაწესებულების სტუდენტებითა და სხვა მონაწილეებით იყო დაკომპლექტებული.
ტურნირის განმავლობაში გაიმართა, მეოთხედფინალური, ნახევარფინალური და ფინალური შეხვედრები. ფინალში გუნდმა აკებანო - ჯერონიმო 6-3 დაამარცხა და ტურნირის გამარჯვებული გახდა. (გამარჯვებული გუნდის წევრები: ბექა ხოჯავა, შანშე ქექაძე, შალვა ჩიკვილაძე, ბაჩი კაკაბაძე).
გამარჯვებულები ინტელექტკლუბისგან ფულადი პრიზით დასაჩუქრდნენ.
ადრესატი
თქვენი სახელი
ელ-ფოსტა
თემა
შეტყობინება