რომულო დელ ბიანკოს“ ფონდთან გაფორმებული მემორანდუმის ფარგლებში, ტურიზმის პროგრამის ხელმძღვანელმა ლალი მიქელაძემ და არასამთავრობო ორგანიზაციის - ტურიზმი და რეალობის“ დამფუძნებელმა - ეკა დევიძემ სტუდენტებთან ერთად პროექტის გააცოცხლე ტრადიცია“ დაგეგმილი ღონისძიების განხორციელება დაიწყეს.
პროექტის ფარგლებში ორი მნიშვნელოვანი აქტივობა გაიმართა: 2 დეკემბერს სტუდენტები, ხელმძღვანელებთან ერთად, საგარეჯოს მუნიციპალიტეტის, სოფელ ვერონაში, ადგილობრივ მკვიდრ - პოეტ გიგლა ჭინჭარაულს შეხვდნენ. სტუდენტებმა პოეტისაგან ამომწურავი და საინტერესო ინფორმაცია მიიღეს სოფლისა და მისი სახელწოდების შესახებ. გიგლა ჭინჭარაულმა სტუდენტებს საკუთარი ქვეყნის ისტორიისა და ტრადიციებით დაინტერესების გამო, მადლობა გადაუხადა.
პროექტის ფარგლებში 8 დეკემბერს, კავკასიის საერთაშორისო უნივერსიტეტისა და ევროპის უნივერსიტეტის სტუდენტები, სოფლის შესახებ მოპოვებული პირველადი ინფორმაციის საფუძველზე, დამატებითი კვლევითი სამუშაოების ჩასატარებლად, ვერონას მეორედ ესტუმრნენ. სტუდენტებმა ადგილობრივებთან ინტერვიუები ჩაწერეს, აღწერეს კულტურული ძეგლების არსებული მდგომარეობა, ინფრასტრუქტურული მოწყობის დონე და ახალი ტურისტული მარშრუტებისთვის გზების მარკირება განახორციელეს.
შეგახსენებთ, რომ პროექტთან დაკავშირებული კონკრეტული ღონისძიებები და აქტივობები ორგანიზატორების მიერ დეტალურადაა გაწერილი და ისინი როგორც მიმდინარე წელს, ასევე 2019 წელს პერიოდულად განხორციელდება.
ადრესატი
თქვენი სახელი
ელ-ფოსტა
თემა
შეტყობინება