კავკასიის საერთაშორისო უნივერსიტეტის კარიერული განვითარების სამსახურის ინიციატივითა და ორგანიზებით, უნივერსიტეტის მედიცინის ფაკულტეტის სტუდენტები, მიხეილ შენგელიას სახელობის ქართული მედიცინის ისტორიის მუზეუმს ესტუმრნენ.
აღნიშნული ვიზიტი საქართველოს მედიცინის მუშაკთა პროფესიული დღის - 23 დეკემბერის აღსანიშნავად დაიგეგმა.
სტუდენტებს ადგილზე მუზეუმის გამგე - რამაზ შენგელია დახვდა, რომელმაც ექსკურსიამძღოლობა ითავა და ახალგაზრდებს ქართული მედიცინის ისტორიის მუზეუმი დაათვალიერებინა.
აღსანიშნავია ის ფაქტი, რომ მუზეუმი თბილისში, 1963 წელს, ქართული მედიცინის ისტორიის კვლევის ერთ-ერთი ფუძემდებლის - მიხეილ შენგელიას ინიციატივით შეიქმნა , ხოლო ოფიციალურად გაიხსნა 1967 წელს XII საუკუნის ქართული ხუროთმოძღვრების ძეგლის - ლურჯი მონასტრის შენობაში.
რამაზ შენგელიამ სტუდენტებს მუზეუმში დაცული ექსპონანტები, არტეფაქტები და სხვა თვალსაჩინოებები დაათვალიერებინა. მისი თქმით, ქართული სამედიცინო ხელნაწერები თავისი დროის შედევრებია. მათ გააჩნიათ როგორც კულტუროლოგიური ღირებულება, ასევე განსაკუთრებული პრაქტიკული მნიშვნელობა, რაც განპირობებულია:
აღსანიშნავია, ის ფაქტიც, რომ 25 წლიანი პაუზის შემდეგ, 25 ნოემბერს გახსნილ ქართული მედიცინის ისტორიის მუზეუმში, კსუ-ს მედიცინის ფაკულტეტის სტუდენტები პირველი დამთვალიერებლები აღმოჩნდნენ.
ადრესატი
თქვენი სახელი
ელ-ფოსტა
თემა
შეტყობინება
